"Striker ka ni thin."- Ivanovic.

Chelsea Football Club official website-a Serbian defender Branislav Ivanovic kawmna.

* Kum engzat i nihin nge club i neih?

Ivanovic: Ka club khelhna hmasa ber chu Srem ania. Ka pa khelhna thin niin semi-professional club a ni a Serbia-ah chuan second emaw third division-ah an awm. Hetah hian kum 19 ka nih thleng chu ka khel. Ka thiante leh thenawm khawvengte nen intihhlimna nih pah fawmin ka khel ve mai mai zel."

"Mi thenkhat chuan Remont-a ka khelh thin leh thin loh min zawt fo va, ka khel ngai lo va an khuaah pawh ka la kal lo! Wikipedia lamah Remont tan hian game 13 khel angin minlo dah a , hei hi a paih theih em?

* Engtin nge training turin i kal thin?

Ivanovic: Kan khua a te a sikul kal zawh hian ka thiante nen training turin kan kal a, a chang chuan kein kan kal a, a chang leh thirsakawrin."

* Eng position-ah nge i khelh thin?

Ivanovic: A tirah chuan striker ka ni thin. Ka lo puitlin chho hnu kum 15 emaw 16 vel ka nihin ka tawlh hnunga central defender emaw right-back ka ni ta a. Ka pa pawh central defender a ni thin."

* Player lar ni chho ta khelhpui i nei em?

Ivanovic: Ka rualpui tam tak chuan Serbia-ah an khelh chhunzawm a kan khua leh khawdangahte an kal kual. Mahse tumah han lar zui an awm lo."

* I thawmhnaw ngainat zawngte leh i ngainat tak lohte?

Ivanovic: Aw, awm e. Mahse rawllthar han nih chuan 'cool' riau ni a in hriatte a awl a. Han en let leh hian a nuihzat thlak duh zawk khawp mai. Ka la hriatreng chu Serbia-a ka awmlai tho hian tupawhin inthun kan uar a jeans hain kawnghren hrawl tak kan hreng thin. Han enlet leh hian a nuihzatthlak duh ngei mai."

* Sam siam danglam lampangte?

Ivanovic: Ka thiante chuan an tia mahse keichuan ka ti ve ngai lo. Russia-a ka khelhlai khan ka in zuah buk ve thin a, a chhan chu lumeh a huphurhawm lutuk! Thla li vel ka zuah a Serbia-a ka kir leh hnuin ka met. Serbia-ah chuan thil atthlak ka ti duh lo."

* Hmanrua engtianga tha thin nge?

Ivanovic: Hmanrua maw? Hmanraw mumal a awm ngai lo va ball a ni deuh tawp mai zel. Hei hi a dik alawm, mahse thil nihphung ve reng a ni. Ka than chhohnaah hian hmanrua a tam ngai lo va thil ho tete hman tangkai a ni thin. Phullemte pawh tunah chuan hmuh tur a awm a mahse thlasikah chuan khelh a harsa lutuk hei hi sik leh sa vang a ni."

* I naupanlai chuan champion-na te i nei em?

Ivanovic: Kum 10 vel ka nihin Serbia champion kan ni a, Serbia-a inkhelh hi chuan intihsiakna a sang a keipawhin medal chu ka dawng ve nual mai."

* Han chhui kir la, thurawn tha deuhte i dawng em?

Ivanovic: Khatih hunlai khan chuan infiam leh intihhlim ringawt ka ngaihtuah a. Thildang ka ngaihsak ngai lo. Naupang infiamna ngaina leh infiam reng duh ka ni a. Sikul kal hma, sikul-ah leh sikul kal hnuah infiam reng duh mi ka ni a kha'ng hunlai kha a nuam khawp mai."

"Ka pa hian professional footballer ka nih thleng pawhin thurawn chu minpe tam vak lo."

* Contract puitling (Professional contract) i neih vel dan han sawi teh le?

Ivanovic: Srem atanga FK Belgrade ka pan khan ka tana contract puitling hmasa ber ka ziak a. Hun nuam tak a ni a ka hmalam hun tan pawh rahbi liantham a ni bawk. A tir thlaruk chhung ka in ben bel lai vel a hrehawm, mahse a tawpah chuan engkim a tha a hetah ka awm thlengin hun ropui tak tak ka tawng tawh a ni."