Football thawnthu.

1. INKHELHNA HMUN NEI LO THAI NAUPANGTE'N KHELMUAL AN SIAM CHAWP. : Thailand rama thingtlang khua ami mipa naupangte chuan Thliarkara cheng ni mahse Football an atchilh em avangin khelmual an siam chawp. An chenna hi ramngaw leh tlangin a hual vel a, Sangha man chu an eizawnna ber a ni. TV atangin football an en thin a, mahse atakin an khel ngai lo, khelh tum pawh nise hmun rualrem an nei tlat lo. Ngun takin an ngaihtuah a tichuan mipa naupangte chuan thing zai hlui, Lawng mawng phah hlui leh Len te hmangin tui chungah khelmual an siam ta rup mai a ni. An khelmual siam chawp hian bang a nei lova ball a liam chuan tuiah an zuang thla nghal mai zel a, an kilhna perek lawr an rap fo bawk si. An khelmual hi a zim avangin Pheikhawk an bun ngai lova mahse hma an sawn chak hle. Tournament an khelh hmasak berah chuan semi-final an thleng a, an khuain an phurpui tak em avangin khelmual tha leh lian an siam ta rum rum mai a. Asia chhimlama team tha per pawl ni chho in kum 2004 leh 2010 inkar khan Youth Soccer Championship-ah an champion char char.


2. GAME KHATA GOAL LUT HNEM BER CHU 149-0 : A awihawm loh lek lek zawk a, mahse hei hi a dik miau si. Kum 2002 khan Stade Olympique de L’emyrne (SOE) leh AS Adema-te chu an inkhel a, 2-2 a an inhnehtawk laiin referee chuan AS Adema penalty pe in SOE lam an lungawi lo hle a an chakloh phah. He an chaklohna hi an khelh leh hmasak berah tilangin SOE chuan an lamah goal 149 teh meuh mai an pet lut lui a, fans lam lungawi lovin ticket leina (booth)-ah ticket thleng let leh tumin buaina an siam phah. Hetia SOE lamin an pet goal mawlh mawlh lai hian an tum puite chuan an lo thlir mai mai a, SOE player thenkhat chu suspend an ni.

3. CHAK AN DUH AVANGIN BARBADOS CHUAN AN LAMAH AN PET GOAL :  Hei hi Kum 1994 Caribbean Cup tournament-a thleng a ni a. Barbados hian round sang zawk lut turin 2-0 a chak an mamawh. An mamawh ang ngei hian 2-0 in hma an hruai reng a mahse minute 71-na ah Grenada hian goal thun ve in 2-1 a ni ta si engkim a buai zo ta. Barbados hian an lamah pet goal ta tawp in 2-2 a ni a, golden goal (pet goal hmasa zawk chak) hmanga chak zawk zawngin Barbados hian goal an thun ta ngei a an chak. An hunlai hian golden goal hi goal 2 nen a in tluk. An lamah an pet goal hnu hian Barbados hian Grenada pet goal tur an veng uluk leh hle bawk si a, a dangdai ve khawp mai.

4. Soccer facts-in an tarlan dan chuan 'Football' kan tih hi United States leh Canada chauhin 'soccer' anti.

5. Spain national football team hi a zawna UEFA European Football Championship-a champion thei hmasa ber an ni a kum 2008 leh 2012-ah khan an champion. Hei mai hi ala nilo national team zinga major tournament pathuma champion zawn thei hmasa ber ni bawkin kum 2008 UEFA European Football Championship, kum 2010 World Cup leh kum 2012 UEFA European Football Championship-ah te a zawnin an champion.

6. INKHELH LAIA TEK TLA IN PLAYER 11 A DENGHLUM VEK : He chhiatna rapthlak tak hi kum 1998 October thlaa Democratic Republic of Congo rama thleng niin team pakhat player 11-te chu an inkhelh laia Tek tla in a denghlum vek a an khelhpui player-te erawh an him thung. He Tek tla vang hian mi 30 chu an hliam. Hemi hnu hian South Africa rama Johannesburg-ah pawh  Jomo Cosmos leh Moroka Swallows inkhelh laiin an khelmual chu tekin a deng a, player-te chu beng hupin khelmualah an mu tawp a mahse hemi tum hian nunna chan an awm lo thung.

7. Cristiano Ronaldo hming hi  United States president hlui Ronald Reagan hming chawi a phuah a ni.

8. ITALY LAMA A PET GOAL AVANGIN A KHELH MEKNA ITALIAN CLUB-IN AN HNAWTCHHUAK : South Korea player Ahn Jung-Hwan chuan kum 2002 World Cup khan Italy lamah pet goal-in Italy hi an tlak phah a, South Korea hian quarter-final an lut thung. Heta a pet goal  vang hian loan-a  khelh mekna Italian club AC   Perugia neitupa Luciano Gaucci chuan Ahn Jung-Hwan-a contract neihlai chu 'Italy football tichhetu' tiin an tihtawp sak hmiah. A inngaihtuah fim hnuin Luciano hian a thu a sut leh a mahse Ahn Jung-Hwan hian a chhuahsan ta tho a ni.

9. RONALDINHO : He pa chanchin hi chu 'Sawi sawi ngailo kan hre ve tawk.' pawh ilo ti maithei. Mahse a naupan laia a sulhnu pakhat, alo lar tanna tura rahbi a rah hmasak ber na chanchin a ni.

A hmingpum chu Ronaldo de Assis Moreira a ni a, kum 8 mi anih in apa in a boral san a an chhungkua hi an rethei hle bawk.  Kum 8 mi anih hian ball han chheih kual vel chu a hnehsawk tawh hle. Kum 13 mi lek anih laiin an khuaa ami team pakhat lakah an team chu 23-0 in an chak a he inkhela goal 23 hi Ronaldinho thun vek a ni. A lar tan ta a chanchinbu mi leh Brazilian club thenkhatte enthlak ber pakhat a ni chho tan. Kum 1997 U-17 World Championship-ah khan a khel tha hle a, rawlthar hmalam eng taka ngaih  a ni. Kum 2005-a Nike-in an bungraw fakna ah Ronaldinho ball chhaih vel chu an hmang a hei hian You Tube-a entu (viewer) maktaduai khat nei hmasa ber niin record a siam.

10. AN RAM INREMNA THLENTU DIDIER DROGBA : Kum nga chhung an ram a buai hnuin Ivory Coast chu football vangin an in lungrual. Ivory Coast ram buai hi tualchhung buaina niin an ram sawrkar duhlotu te leh sawrkar indona a ni a. Chelsea Football Club-a Didier Drogba  khelh lai khan niin Drogba hian an rama inremna thlen theihnan nasa takin hma a la. Drogba hian Madagascar chu an rama Bouake khuaah inkhelhpui a duh thu a sawi a, hei hi kaltlangpui niin kum nga hnuah Ivory Coast chu ram in lungrual an ni leh ta a ni. He inkhelah hian Ivory Coast chuan Madagascar hi 5-0 an hneh a, venhimna uluk tak hnuaiah an in khel tluan. Ivory Coast mipuite chuan an ram captain Drogba hi an ngaisang hle.

11. CHINA-IN FOOTBALL GAMES AN KHAP : Sports Interactive leh Sega inkawpin kum 2004 November ni 5-a an tihchhuah  Football Manager 2005 chu China in an ram thendarhna lam hawi tiin an rama lakluh leh khelh an khap. He games-ah hian China-in an huam chhunga an dah reng Tibet leh Taiwan chu ram hrangin dah an ni a, China hi an lungawi lo hle.

12. PLAYER LAR THENKHATTE HMINGPUM :
* Kaka - Ricardo Izecson dos Santos Leite.
* C. Ronaldo - Cristiano Ronaldo dos Santos Aveiro
* Pele - Edson Arantes do Nascimento
* Maradona - Diego Armando Maradona Franco
* Ramires - Ramires Santos do Nascimento
* David Luiz - David Luiz Moreira Marinho
* Lionel Messi - Lionel Andrés Messi
* Paul Pogba - Paul Labile Pogba
* Wayne Rooney - Wayne Mark Rooney
* John Terry - John George Terry
* Neymar Jr. - Neymar da Silva Santos Júnior
* Deco - Anderson Luís de Souza
* Luis Figo - Luís Filipe Madeira Caeiro Figo
* Zinedine Zidane - Zinedine Yazid Zidane
* Gonzalo Higuain - Gonzalo Gerardo Higuaín
* Roberto Carlos - Roberto Carlos da Silva Rocha
* David Beckham - David Robert Joseph Beckham
* Thierry Henry - Thierry Daniel Henry
* Raul Gonzalez - Raúl González Blanco
* Ruud van Nistelrooy - Rutgerus Johannes Martinus "Ruud" van Nistelrooy
* Rivaldo - Rivaldo Vítor Borba Ferreira
* Iker Casillas - Iker Casillas Fernández